Heinrich HHH du Plooy

Keep it real!

Die bekroonde radio-omroeper, Heinrich du Plooy is reeds byna drie dekades in die radiobedryf.

Hierdie veelsydige omroeper van Kaapstad is geliefd onder luisteraars wat gaande is oor sy warm persoonlikheid, droë sin van humor en spitsvondige uitlatings.

Vra jy hom wat hom dryf, is sy antwoord duidelik: “Om mense gelukkig te sien, my familie, maar ook spertye, probleme te identifiseer en te oorkom, asook om doelwitte te bereik”.

Hy was vir 10-jaar by ETV, maar dit is radio wat nog altyd deur sy are vloei.

Heinrich is sedert die begin deel van Bok Radio as omroeper en Tegniese Bestuurder. Hy behartig ook die “On Air Packaging”

Sy kollegas beskryf hom as uiters professioneel en ‘n omroeper wat nie skroom om wêreldklas onderhoude te voer nie. Op sy kerfstok is onderhoude met onder meer; Ronan Keating, Smokie, Roxette (Per Gessle), Joan Armatrading en Brad Roberts van Crash Test Dummies.

Sy toekennings sluit in:

• Solidaritieit Omroeper van die jaar genomineerde 2022
• Huisgenoot Tempo Toekenning Omroeper van die jaar 2017
• Program van die Jaar 2015 (SPITSTYD)
• Meriete Bokkie Toekenning 2014
• Program van die Jaar 2014 (SPITSTYD)
• MTN RADIO AWARDS (ON-AIR PACKAGING) 2013
• Meriete Bokkie Toekenning 2012
• Meriete Bokkie Toekenning 2011
• Gunsteling Omroeper Bokkie Toekenning 2011

Heinrich “HHH” du Plooy is beslis ‘n veteraan in die radiobedryf en in sy eie woorde: “Radio is my lewe.”