ATKV-Tjokkertoneel-finaliste kom maak ‘n draai

Twee van die top-6 laerskoolproduksies wat aan die ATKV-Tjokkertoneel finaal deelneem, kom van Durbanville in Kaapstad se Noordelike Voorstede. Die doel van ATKV-Tjokkertoneel is die skep van ’n nasionale platform vir talentontwikkeling en stel jong leerders bloot aan teaterkuns en drama d.m.v. mini-tonele. Yvon Heyns het gesels met Annabella Stam, ’n leerder van Curro Durbanville, oor hulle produksie Die Storietafel. Laerskool Durbanville se Josua Potgieter het passievol vertel van hulle produksie, Sokkieverse.

Beide skole en produksies het deurgedring na die nasionale finaal in die Kunstekaap om hul staal te wys op 27 September. Vier van die 6 nasionale tjokkerfinaliste kom uit die Kaapse Skiereiland. Ons is so trots op die jong talent in die Wes-Kaap. Luister weer na die energieke gesprek met die jong akteurs.